Bakının Sabunçu rayonu, Bakıxanov qəsəbəsində mağazaların birindən oğurluq etməkdə şübhəli bilinən şəxs saxlanılıb. Bu haqda bu gün, 20 oktyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Mağazada satıcının 1500 manat pulu və mobil telefonu oğurlanıb. Sabunçu RPİ 13-cü Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Yevlax rayon sakini X.İsmayılov saxlanılıb. Onun əvvəllər də oğurluq və narkotiklərlə əlaqəli cinayətlərə görə məhkum olunduğu məlum olub.
Hadisənin təfərrüatı araşdırılır.
