Aprelin 10-da Suraxanı rayonu, Binə qəsəbəsində yerləşən təmir sexində baş vermiş yanğının qəsdən törədildiyi məlum olub. Bu haqda bu gün, 13 aprel tarixində Fövqəladə Hallar Nazirliyi, Baş Prokurorluq və Daxili İşlər Nazirliyinin mətbuat xidmətləri birgə məlumat yayıb.
Verilən məlumata görə, 32 yaşlı Ramin Quliyev şübhəli şəxs qismində saxlanılıb, onun barəsində həbs qətimkan tədbiri seçilib.
İlkin araşdırmalara görə, o şəxsi münasibətlər zəminində aralarında yaranmış mübahisəyə görə qisas almaq üçün sexi qəsdən yandırıb və orada yatmış işçilər - İftixar Əkbərov və Valeh Bəylərovu qəsdən öldürüb.
Faktla bağlı aşılan cinayət işi prokurorluq orqanlarına göndərilib.
