Bakının Nəsimi rayonunun Rəşid Məmmədov küçəsi, 27 ünvanında yerləşən “Möhtəşəm Məkan” restoranında keçirilmiş yoxlama zamanı yanğın təhlükəsizliyi sahəsində nöqsanlar aşkarlanıb. Bu haqda bu gün, 15 fevral tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Yoxlama zamanı məlum olub ki, qaz təsərrüfatından qeyri-qanuni istifadəyə yol verilib, qaz istismarına dair müvafiq sənədlər təqdim edilməyib. Həmçinin obyektdə yanğınxəbərverici siqnalizasiya qurğuları tam quraşdırılmayıb, obyekt odsöndürən balonlarla təmin olunmayıb, təxliyə planı mövcud deyil və digər nöqsanlar müəyyən olunub.
İaşə obyektinin fəaliyyəti dayandırılıb, sahibinə müvafiq Qərar təqdim olunub.
[caption id="attachment_90729" align="alignnone" width="640"]
Foto Fövqəladə Hallar Nazirliyinin rəsmi saytı[/caption]
