Ötən gün, yanvarın 30-da Bakının Suraxanı rayonunun Hövsan qəsəbəsində Elşən Xadızadənin həyat yoldaşı Gülnar Vəlizadə tərəfindən qətlə yetirilməsinin bəzi təfərrüatları məlum olub. Bu haqda bu gün, 31 yanvar tarixində Oxu.az məlumat verib.
Bildirilir ki, hadisə uzun sürən ailə münaqişəsi zəminində baş verib.
Cütlüyün iki azyaşlı övladı var. Ailədaxili münaqişələr zamanı hətta uşaqlara da şiddət görüblər. Ötən gün növbəti mübahisə zəminində G.Vəlizadə ərini ürək nahiyəsindən bıçaqlayıb. Xadızadə xəstəxanaya yerləşdirilib, lakin həkimlərin bütün səylərinə baxmayaraq dünyasını dəyişib.
Hadisənin uşaqların gözü qarşısında baş verdiyi bildirilir.
Qadının son vaxtlar depressiyaya düşdüyü məlum olub. Son paylaşımında o, anasının məzarından foto paylaşıb.
Faktla bağlı araşdırma aparılır.
