Bakının Qaradağ rayonu, Ələt qəsəbəsində pul və telefon oğurlanıb. Bu haqda bu gün, 28 noyabr tarixində Bakuplus.az Daxili İşlər Nazirliyinə (DİN) istinadən xəbər verir.
Polis bölməsinə verilən məlumata əsasən, bir nəfərin cibindən 1800 manat pul və mobil telefon oğurlanıb.
Qaradağ RPİ 11-ci Polis Bölməsi əməkdaşlarının keçirdikləri tədbirlər nəticəsində oğurluq əməlini törətməkdə şübhəli bilinən Bakı şəhər sakini N.Vəlizadə saxlanılıb. Faktla bağlı araşdırma aparılır.
Əlavə olaraq araşdırma zamanı Vəlizadənin qəsəbə ərazisində bir nəfərin mopedini oğurladığı məlum olub.
