Məşhur plastik cərrah Türkanənin qətlinin təfərrüatları məlum olub. Bu haqda bu gün, 8 may tarixində Bakuplus.az sosial şəbəkələrə istinadən xəbər verir.
Sənətçi Nazilə Səfərli öz İnstagram səhifəsində qətllə bağlı paylaşım edib. O bildirib ki, Türkanənin əri çox qısqanc olub.
"Onunla kitabının təqdimatında tanış olmuşdum. Təqdimat mənə həvalə olunmuşdu. Bununla bağlı danışığa gedəndə gördüm ki, Türkanə həkim 2 qızı və həyat yoldaşı ilə gəlib. Bu mənə qəribə gəlmişdi ki, danışığa niyə belə külfətlə gəlib. Sonradan başa düşdüm ki, əri bunu qarabaqara, addım-addım izləyir. Təqdimatda da bunu müşahidə etdim. Əri heç bir əsas olmadan, "takıntılı" olaraq qısqanırdı", - deyə sənətçi qeyd edib.
O əlavə edib ki, kişi çox imkanlı olduğu üçün anası çox erkən yaşda onu zorla ərə verib. Türkanın əri ya evin xadiməsi, ya da uşağın dayəsi ilə eyş-işrət yaşayıb. Türkan bundan xəbər tutub və boşanmağa gedib. Lakin anası israrla onu barışdırıb.
7 may tarixində iş adamı olan Türkiyə vətəndaşı, 56 yaşlı Muhammet Gündüz öz həyat yoldaşı, 41 yaşlı həkim Türkanə Gündüzü bıçaqlayaraq öldürmüşdür.
Qatil saxlanılıb. Faktla bağlı cinayət işi açılıb.
