Bakının Nərimanov rayonundakı 34 nömrəli orta məktəbin həyətində xəsarətlərlə nəticələnən kütləvi dava ilə bağlı məktəbin müdiriyyəti açıqlama verib. Bu haqda bu gün, 12 iyun tarixində APA məlumat verib.
Bildirilir ki, məktəbin həyətində kütləvi dava olması və XI sinif şagirdinin bıçaqlanması barədə məlumat həqiqəti əks etdirmir.
Valideynlərin yazılı qaydada bildirdiyinə görə, adıçəkilən şagirdin qardaşı 11.06.2023-cü ildə dostu ilə Nabranın istirahət mərkəzində mübahisə ediblər, daha sonra Nərimanov rayonunda məhəllələrin birində mübahisənin davamı olub:
"Bu əsnada məktəbin şagirdi də qardaşına görə hadisənin iştirakçısına çevrilib. Həmin şagird bu gün dərs prosesində iştirak edib. Məsələ ilə bağlı hüquq-mühafizə orqanları tərəfindən araşdırma aparılır".
10:18 - Məktəb həyətində dava: iki nəfər bıçaqlanıb
Bakının Nərimanov rayonunda, 34 nömrəli orta məktəbin həyətində xəsarətlərlə nəticələnən kütləvi dava olub. Bu haqda bu gün, 12 iyun tarixində Bakuplus.az APA-ya istinadən məlumat verir.
Dava zamanı 21 yaşlı Röyal İsrəfilov və 17 yaşlı Zeynal Turabova bıçaq zərbələri endirilib. Hər iki gənc xəstəxanaya yerləşdirilib.
Faktla bağlı Nərimanov Rayon Polis İdarəsinin 18-ci Polis Bölməsində araşdırma aparılır.
