Sabunçu rayonu, Maştağa qəsəbəsində yerli sakin zirzəmisində çətənə bitkilərinin yetişdirilməsi üçün xüsusi şərait yaradıb. Bu haqda bu gün, 27 mart tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polis əməkdaşları tərəfindən Ramil Quliyevin yaşadığı evin zirzəmisinə baxış keçirilərkən çətənə bitkiləri aşkar olunub. Cəmi 35 kiloqram olan 99 ədəd çətənə kolu, narkotik tərkibli bitkilərin toxumları və 2 kiloqramdan artıq qurudulmuş marixuana ələ keçirilib.
Saxlanılan şəxs çətənə bitkilərinin yetişdirilməsi üçün xüsusi havalandırma və işıqlandırma sistemi yaradıb, zirzəmiyə mənzildəki otaqların birindən giriş açıb.
Toplanan materiallar Sabunçu Rayon Polis İdarəsinə göndərilib. Tədbirlər davam etdirilir.
