Paytaxtın Xətai rayonunda yerləşən marketlərin birində quraşdırılan ödəmə terminalından oğurluq edən şəxs saxlanılıb. Bu haqda bu gün, 19 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
“E-Manat” ödəmə terminalı sındırılaraq kassada olan 2700 manat pul ələ keçirilib. Xətai RPİ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Xəzər Hüseynov tutulub. O, istintaq zamanı baş verənləri etiraf edib.
Faktla bağlı Xətai RPİ-nin istintaq şöbəsində cinayət işi başlanıb. Məhkəmənin qərarı ilə X.Hüseynov barəsində həbs qətimkan tədbiri seçilib, istintaq hərəkətləri davam etdirilir.
