Məşhur meyxanaçı Balaəli Maştağalı yol hərəkəti qaydasını kobud şəkildə pozub. Bu haqda bu gün, 8 fevral tarixində Bakuplus.az Qafqazinfo-ya istinadən xəbər verir.
Belə ki, meyxanaçı Qara Qarayev prospektində avtobusun keçdiyi dar zolaqda öz “Range Rover” markalı avtomobilini saxlayaraq mağazaya gedib. Bu hərəkəti o, sərnişin avtobusunun düz qarşısında edib. Buna görə də onlarla adamı daşıyan avtobus bir nəfəri gözləməyə məcbur olub.
Məsələ ilə bağlı Daxil İşlər Nazirliyindən bildiriblər ki, meyxanaçı artıq cərimələnib.
“Bu əmələ görə 20 manat cərimə nəzərdə tutulub. Bəlkə də Balaəli üçün bu elə də böyük məbləğ deyil. Amma azı 80 adamı yolda gözlətmək və arxada sıxlıq yaratmaq, kimlərinsə həyatını çətinləşdirmək isə cərimə ilə yox, ictimai məsuliyyətlə ödəniləcək mənəvi öhdəlikdir”, - deyə polis mayoru Araz Əsgərli qeyd edib.
Hadisə anı kameralara da düşüb. Videogörüntüləri təqdim edirik.
[video width="1280" height="720" mp4="https://bakuplus.az/storage/photos/2023/02/bala-li-range-roverl-avtobusun-yolunu-k-sdi.mp4"][/video]
