Suraxanı rayonu, Əmircan qəsəbəsində su nasosu oğurlanıb. Bu haqda bu gün, 26 fevral tarxində Bakuplus.az “Azərsu”ya istinadən xəbər verir.
Hadisə qəsəbənin İlham Şükürov küçəsində baş verib. Naməlum şəxs və ya şəxslər stansiyanın pəncərəsindəki mühafizə barmaqlıqlarını qıraraq içəri daxil olub və 2 ədəd elektrik idarəolunma lövhəsini sökərək oğurlayıblar. Həmin avadanlıqlar stansiyanın 75 kilovoltluq 2 nasos qurğusunun idarə olunmasını təmin edirdi.
Elektrik idarəolunma löhvələrinin oğurlanması səbəbindən stansiyanın fəaliyyəti dayanıb və bu gün səhər saatlarında Əmircan qəsəbəsinin bir hissəsinə içməli suyun verilməsi mümkün olmayıb.
Məsələ ilə bağlı hüquq-mühafizə orqanlarına müraciət olunub. Hazırda zəruri addımlar atılır.
[caption id="attachment_130886" align="alignnone" width="640"]
Foto "Azərsu"nun Facebook səhifəsi[/caption]
