Fəhlənin hündürlükdən yıxılaraq ölməsi faktı ilə bağlı cinayət işi başlanıb. Bu haqda 13 may tarixində AZƏRTAC məlumat verib.
Nərimanov rayonu ərazisində mayın 12-də 29 yaşlı Orxan Bəndəliyev hündürlükdən yıxılaraq dünyasını dəyişib. İlkin araşdırmalar nəticəsində müəyyən olunub ki, Orxan Bəndəliyev iş görən zaman ehtiyatsızlıqdan binanın 11-ci mərtəbəsindən ikinci mərtəbənin damına yıxılıb və aldığı xəsarətlərdən hadisə yerində keçinib.
Faktla bağlı Cinayət Məcəlləsinin “Tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb.
