Nərimanov rayonunda fəhlə bədbəxt hadisə nəticəsində ölüb. Bu haqda 13 avqust tarixində Report məlumat verib.
M.Araz, 92 ünvanında avqustun 12-də tikintidə fəhlə kimi işləyən Aqil Əliyev bədbəxt hadisə nəticəsində ölüb. Belə ki, 39 yaşlı Əliyev üçmərtəbəli binanın zirzəmisində elektrik cərəyanının vurması nəticəsində dünyasını dəyişib.
Faktla bağlı Nərimanov Rayon Prokurorluğunda CM-in “Tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb.
