Bakının Nərimanov rayonunda yerləşən “Ramada” hotelində 11 mart axşam saatlarında yanğın olub. Bu haqda bu gün, 12 mart Bakuplus.az Fövqəladə Hallar Nazirliyinin mətbuat xidmətinə istinadən məlumat verir.
Yanğın saat 20:30 radələrində Məmməd Araz küçəsində qeydə alınıb. Hadisə yerinə 3 yanğınsöndürən maşın, iki xilasetmə kranı, 1 qərargah maşını cəlb olunub. Yaxın küçələrdə hərəkət məhdudlaşdırılıb. Yanğın bir saat ərzində FHN əməkdaşları tərəfindən söndürülüb.
Hadisə yerində aparılan qiymətləndirmədən sonra məlum olub ki, yanğın yeddimərtəbəli hotel binasının dam örtüyü və liftin şaxtasında, liftlərin mühərriklərinin yerləşdiyi bölmədə baş verib.
Alışma nəticəsində 100 kv.m yaxın sahə yanıb, hotelin qalan hissəsi yanğından mühafizə olunub.
[video width="1920" height="1080" mp4="https://bakuplus.az/storage/photos/2022/03/sequence-01.mp4"][/video]
