Bakı sakinini bıçaqla hədələyərək avtomobilini əlindən alıblar. Bu haqda 30 iyun tarixində Report məlumat verib.
Nərimanov rayonunda iyunun 29-da naməlum şəxs Bakı şəhər sakini S.Məmmədlini bıçaqla hədələyib və “Opel” markalı avtomobilini ələ keçirərək hadisə yerindən uzaqlaşıb. Polis əməkdaşlarının keçirdikləri əməliyyat-axtarış tədbirləri nəticəsində avtomobil qısa müddətdə tapılıb və salonundan sürücüyə məxsus mobil telefonun götürüldüyü aşkar olunub.
Quldurluğu törətməkdə şübhəli bilinən Bakı şəhər sakini, əvvəllər məhkum olunmuş V.Şərifov saxlanılıb.
Faktla bağlı araşdırma aparılır.
