Bakının Nəsimi rayonunda martın 29-da A.Məhərrəmov küçəsində yerləşən avtomobillərin təmiri sexindən “Hyundai” markalı avtomobil qaçırılıb. Bu haqda bu gün, 31 mart tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə ilə bağlı Bakı şəhər sakini S.Abbasov polisə müraciət edib. Polis əməkdaşlarının keçirdikləri əməliyyat-axtarış tədbirləri nəticəsində avtomobil Bakı-Sumqayıt yolunda əzilmiş vəziyyətdə aşkar olunub. Daha sonra nəqliyyat vasitəsini qaçırmaqda şübhəli bilinən Neftçala rayon sakini, əvvəllər məhkum olunmuş Vüsal Səfərov saxlanılıb.
Araşdırma davam edir.
