Nəsimi rayonunda taksidə olan sərnişindən narkotik tapılıb. Bu haqda bu gün, 20 iyul tarixində Bakuplus.az Daxili İşlər Nazirliyinə istinadən xəbər verir.
Zakir Nəsirlinin sərnişin kimi əyləşdiyi avtomobil sürücü qayda pozduğuna görə polis əməkdaşları tərəfindən saxlanılıb. Sərnişinin hərəkətləri şübhəli olduğundan o, polis bölməsinə aparılıb. Onun üzərində aparılan axtarış zamanı 500 qrama yaxın heroin tapılıb.
Keçirilən digər əməliyyat zamanı narkotik alveri ilə məşğul olan İlqar Behbudov saxlanılıb. Onun üzərində külli miqdarda heroin və metamfetamin aşkar edilib.
Aşkar olunan hər 2 faktla bağlı araşdırma aparılır.
