Polis Nizami rayonunda gecə klubunda əməliyyat keçirib. Bu haqda 29 yanvar tarixində APA məlumat verib.
Polis əməkdaşları Qara Qarayev prospekti 61B ünvanında yerləşən X-Life gecə klubunda əməliyyat keçiriblər. Klub karantin qaydalarını pozaraq, saat 00:00-dan sonra fəaliyyətini davam etdirib.
Əməliyyat zamanı klubda olan 34 müştəri və klubun 4 təşkilatçısı polis idarəsinə aparılıb. Müştərilər barəsində inzibati protokol tərtib edilib. Təşkilatçılar isə saxlanılıb.
Faktla bağlı araşdırma davam edir.
