Nizami rayonunda iki avtomobil qaçırmaqda şübhəli bilinən şəxs saxlanılıb. Bu haqda bu gün, 13 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, rayon ərazisində ayrı-ayrı vaxtlarda S.Səfərova məxsus “VAZ-2106” və E.Sadıqova məxsus “BMW” markalı avtomobillər qaçırılıb. Nizami RPİ-nin 25-ci Polis Şöbəsi əməkdaşlarının keçirdikləri tədbirlər nəticəsində avtomobilləri qaçırmaqda şübhəli bilinən Lənkəran rayon sakini, əvvəllər məhkum olunmuş S.Fərəczadə saxlanılıb.
Faktla bağlı araşdırma aparılır.
