Bakıda silsilə mənzil oğurluqları edən Gürcüstan vətəndaşı saxlanılıb. Bu haqda 24 iyun tarixində Bakuplus.az Daxili İşlər Nazirliyinə istinadən xəbər verir.
Bakıda oğurluqla məşğul olan Gürcüstan vətəndaşı Paata Grineviç saxlanılaraq istintaqa təqdim edilib. Həmin şəxs ifadəsində bir müddət əvvəl yaşadığı ölkədən Bakı şəhərinə məhz oğurluq məqsədilə gəldiyini bildirib.
Araşdırma zamanı məlum olub ki, o, Nizami və Nərimanov rayonlarında mənzillərdən oğurluq edib. Saxlanılan şəxsin oğurluq etdiyi ünvanlara getməsi təhlükəsizlik kameralarına düşüb.
Faktla bağlı araşdırmalar davam edir.
[caption id="attachment_49736" align="alignnone" width="800"]
Foto Daxili İşlər Nazirliyinin rəsmi Youtube kanalı[/caption]
