11:18 - Yenilənib
TƏBİB partlayışda xəsarət alan şəxsin vəziyyəti ilə bağlı açıqlama verib. 45 yaşlı vətəndaş gecə saatlarında Nərimanov Tibb Mərkəzinin nəzdində olan Yanıq Mərkəzinə çatdırılıb.
Pasiyentə yanıq şoku, üzün, qulaq seyvanının, boyunun, sinənin, belin, hər iki yuxarı ətrafın, sol baldırın II, III dərəcəli termiki yanığı diaqnozu qoyulub.
O, hazırda reanimasiya şöbəsində müalicə alır, vəziyyəti ağırdır.
09:32 - Nəsimi rayonunda partlayış olub
Bakının Nəsimi raynu, 20 Yanvar küçəsində çoxmərtəbəli yaşayış binasında partlayış baş verib. Bir nəfər xəsarət alıb. Bu haqda bu gün, 2 fevral tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə yerinə FHN-in əməkdaşları cəlb olunublar. Verilən məlumata görə, partlayış beşmərtəbəli yaşayış binasının 1-ci mərtəbəsində yerləşən ikiotaqlı mənzildə olub. İlkin araşdırmalara görə, parlayış məişət qazının sızması nəticəsində baş verib və yanğına səbəb olub.
Partlayış dalğasının təsirindən mənzilin bir otağının pəncərə çərçivəsi yerindən çıxıb, yanğın nəticəsində bir ədəd divan və kreslo qismən yanıb, yüksək temperaturdan bir ədəd kondisioner deformasiyaya uğrayıb.
Mənzildə kirayəçi kimi qalan şəxs yanıq xəsarətləri alıb. Binanın yaxınlığında dayanan iki ədəd minik avtomobilinə ziyan dəyib. Faktla bağlı aaşdırma aparılır.
[URIS id=89163]
