Bakının Sabunçu rayonu, Maştağa qəsəbəsində yerləşən 1 saylı Respublika Psixiatriya Xəstəxanasının direktor müavini Vüqar Yusifov vəzifəsindən azad edilib. Bu haqda bu gün, 19 aprel tarixində Bizim.Media məlumat verib.
Səhiyyə naziri Teymur Musayev müvafiq əmr imzalayıb. Onun yerinə hələlik təyinat yoxdur.
Daha öncə baş həkim Ağahəsən Rəsulov yaş həddi ilə əlaqədar tutduğu vəzifədən azad olunub. Onun yerinə Narkoloji Mərkəzin sabiq baş direktoru Orxan Cəfərov təyin olunub.
Rəsulov 15 ildir sözügedən vəzifəni icra edirdi. O, son vaxtlar 3 saylı uşaq evində qalan və həmin uşaq evi ilə bağlı şikayətini bildirən yeniyetmə Məhəmməd Hacıyevlə bağlı fikirlərini bildirdiyinə görə gündəmdə olurdu.
