Moped sürücüsü hərəkətin intensiv olduğu yolda hərəkət qaydasını kobud şəkildə pozub. Bu haqda 24 fevral tarixində xəzərxəbər məlumat verib.
Suraxanı rayonu, Qaraçuxur qəsəbəsində yolda hərəkət edən sürücü bir əli ilə mopedin sükanını, digər əli ilə isə xalçaya bənzər böyük bir əşyanı tutub. Sürücü bu hərəkəti ilə həm özü, həm də digər hərəkət iştirakçıları üçün təhlükə yaradıb.
“Havanın bir qədər də küləkli olması sürücünün hər an sükana nəzarəti itirməsinə və nəticədə qəzaya səbəb ola bilərdi. Həmin sürücü ərazidəki xüsusi texniki vasitələrin köməyi ilə müəyyən ediləcək. Ona İnzibati Xətalar məcəlləsinin 338-ci maddəsinə uyğun olaraq 40 manat cərimə tətbiq olunacaq”, - deyə Bakı Şəhər Dövlət Yol Polis İdarəsinin baş inspektoru Araz Əsgərli bildirib.
