Bakıda külli miqdarda aksiz markasız tütün məmulatları aşkarlanıb. Bu haqda bu gün, 30 aprel tarixində Bakuplus.az Dövlət Vergi Xidmətinə istinadən məlumat verir.
Keçirilən əməliyyatlar nəticəsində Qaradağ rayonu, Sahil qəsəbəsində yerləşən anbarda qanunsuz şəkildə aksiz markasız tütün məmulatlarının saxlanması halları aşkar edilib. Burada 23 növdə “Cavallo”, “Platinium”, “Milano” markalı tütün məmulatları aşkarlanıb. Ümumilikdə 1 milyon 762 min 600 ədəd tütün məmulatı aşkar edilib.
Anbarın sahibi və qanunsuz sahibkarlıqla məşğul olan şəxs Səbahi Abbasov saxlanılıb.
Faktla bağlı araşdırmalar davam edir.
[caption id="attachment_136694" align="alignnone" width="640"]
Foto Dövlət Vergi Xidməti[/caption]
