Qaradağ rayonu Səngəçal qəsəbəsində oktyabrın 19-da saat 17:00 radələrində ölümlə nəticələnən yol qəzası baş verib. Bu haqda Report bu gün, 20 oktyabr tarixində məlumat verib.
Qəsəbə sakinləri Cövdət Abdulovun idarə etdiyi “VAZ-2107” və Z.Əsədovun idarə etdiyi “VAZ-2106” markalı avtomobillər toqquşub. Hər iki sürücü xəstəxanaya yerləşdirilib. Lakin, həkimlərin səylərinə baxmayaraq, Abdulovun həyatını xilas etmək mümkün olmayıb.
Faktla bağlı araşdırma aparılır.
