Bakıda qadın mənzildə yanaraq ölüb. Bu haqda BakuPlus.az Fövqəladə Hallar Nazirliyinə istinadən bu gün, 26 may tarixində xəbər verir.
Paytaxtın Qaradağ rayonunda beşmərtəbəli yaşayış binasının 3-cü mərtəbəsində ümumi sahəsi 72 kv.m olan 3 otaqlı mənzilin 1 otağının yanar konstruksiyaları 12 kv.m sahədə və 2-ci mərtəbəsində ümumi sahəsi 72 kv.m olan 3 otaqlı mənzilin 1 otağının tavanı 4 kv.m sahədə yanıb.
Hər iki mənzilin qalan hissəsi yanğından mühafizə olunub. Yanğın FHN əməkdaşları tərəfindən söndürülüb.
Hadisədən sonra mənzillərdən birində 61 yaşlı Xuraman Həsənovanın meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
