Füzuli rayonunun Birinci Mahmudlu kəndi yaxınlığında yerləşən sərhəd zastavasının xidməti ərazisində İran-Azərbaycan sərhədini keçmək istəyən iki qaçaqmalçı saxlanılıb. Onlardan narkotik və silah ələ keçirilib. Bu haqda bu gün, 30 dekabr tarixində Bakuplus.az Dövlət Sərhəd Xidmətinin (DSX) mətbuat xidmətinə istinadən məlumat verir.
Dekabr ayının 28-də saat 21:15-də zastavanın ərazisində keçirilən sərhəd axtarışı və əməliyyat tədbirləri nəticəsində 34 yaşlı Bakı sakini Elmir Balışov əv 34 yaşlı Xaçmaz rayon sakini Cəlal Bayramov saxlanılıblar.
Baxış zamanı onların üzərində olan 6 kiloqram 200 qram narkotik vasitə (5 kq 700 qram marixuana, 500 qram metamfetamin və 980 ədəd “Metadon M-40” həbi, 1 ədəd Türkiyə istehsalı olan “Hatsan” tir tüfəngi və ona məxsus 264 ədəd qırma aşkar olunaraq götürülüb.
Hadisə ilə bağlı əməliyyat-istintaq tədbirləri aparılır.
