Narkotik vasitələrin satışı ilə məşğul olan İran vətəndaşlarından ibarət dəstənin üzvləri saxlanılıblar. Bu haqda bu gün, 19 yanvar tarixində Bakuplus.az DİN-in mətbuat xidmətinə istinadən məlumat verir.
Keçirilən xüsusi əməliyyat nəticəsində ölkə ərazisində narkotik vasitələrin satışı və qanunsuz dövriyyəsi ilə məşğul olan 4 nəfər saxlanılıb. Ata Maleki, qardaşı Pouya, həmçinin qohumu Ali Maleki və Şişen Maleki Tibb Universitetinin tələbələridir. Onların üzərində və birgə yaşadıqları evdə 1 kiloqrama yaxın müxtəlif narkotik vasitələr, satışından əldə etdikləri külli miqdarda pul və elektron tərəzilər aşkar edilib. Əcnəbi vətəndaşlarla əlbir olan Heybət Həsənov da tutulub və onda 2 kiloqramdan artıq marixuana və 4 ədəd çətənə kolu aşkar olunub.
Dəstə üzvləri “Araz” və “Hüseyn” adlı şəxslərin göstərişi ilə Bakı və digər bölgələrdə narkotik vasitələrin onlayn satışını təşkil etdiklərini bildiriblər. Bu məqsədlə dəstə üzvləri narkoşəbəkə yaradaraq gəncləri narkokuryerliyə cəlb etməyə çalışıblar.
Faktla bağlı cinayət işi başlanıb. Saxlanılan şəxslər barəsində həbs qətimkan tədbiri seçilib.
