Paytaxtın Səbail rayonu, M.Hüseyn küçəsində yerləşən geyim mağazasında özünü “Azərsu” ASC-nin əməkdaşı kimi qələmə verən şəxs peydə olub. Bu haqda bu gün, 24 yanvar tarixində Bakuplus.az quruma istinadən məlumat verir.
Şübhəli şəxs müəssisə rəhbərinə sayğacı düzgün quraşdırmadıqlarını bildirib və buna görə də 80 manat götürüb. Həmin şəxslə yenidən əlaqə qurmaq istənilsə də, onun verdiyi nömrənin işləmədiyi məlum olub.
Faktla bağlı Azərsu ASC toplanmış materialları hüquq mühafizə orqanlarına yönləndirib.
“Azərsu” ASC bir daha abonentlərin diqqətinə çatdırır ki, qurumun əməkdaşlarından vəsiqə tələb etsinlər, heç bir halda onlara nəğd pul ödəməsinlər, qeyri-qanuni əməllər ilə rastlaşdıqda dərhal 955 Zəng Mərkəzinə və yerli sukanal idarələrinə məlumat versinlər”, - deyə qurum əlavə edib.
[caption id="attachment_30692" align="alignnone" width="968"]
Foto Azərsu ASC-nin rəsmi saytıFoto Azərsu ASC-nin rəsmi saytı[/caption]
