Bakının Səbail rayonunda ikimərtəbəli yaşayış binasında yanğın hadisəsi baş verib. Bu haqda bu gün, 11 dekabr tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma tikilinin 2-ci mərtəbəsində qeydə alınıb. Ümumi sahəsi 60 kv.m olan 3 otaqlı mənzilin yataq otağında masa və geyim əşyaları qismən yanıb.
Əraziyə FHN-in əməkdaşları cəlb olunublar. 2 nəfər bina sakini təhlükəsiz əraziyə təxliyə olunub. Yanğın söndürülüb. Mənzilin qalan hissəsi yanğından mühafizə olunub.
