Bakının mərkəzində yerləşən Azərbaycanın ilk Xalq şairi Səməd Vurğunun adını daşıyan parkda işıq dirəyi 10 gündür ki, qırılmış vəziyyətdə qalır. Bu haqda bu gün, 5 avqust tarixində Bakuplus.az Oxu.az-a istinadən məlumat verir.
Şəhər sakinlərinin sözlərinə görə, kommunal xidmət işçilərinə dəfələrlə məlumat verilsə də, problem hələ də həll olunmayıb.
“Bakı Şəhər İşığı” Elektrik Şəbəkə Müəssisəsindən bildirilib ki, dirək bir neçə gün əvvəl güclü külək nəticəsində zədələnib. Dirəyin sıradan çıxmış hissəsi artıq sifariş olunub və hazırlandıqdan sonra bərpa ediləcək.
