Paytaxtın Qaradağ rayonunda sərnişin avtobusu idarə edən sürücü narkotik aludəçisi çıxdı. Bu haqda bu gün, 16 dekabr tarixində Baş Dövlət Yol Polis İdarəsinin (BDYPİ) mətbuat xidməti məlumat yayıb.
İlham Hidayətov idarə etdiyi "Mercedes-Benz" markalı iritutumlu sərnişin avtobusunu Qaradağ postu ərazisində sürərkən polis əməkdaşları tərəfindən saxlanıb. Sürücünün narkotik maddələrin təsiri altında olduğu müəyyən edilib.
İ.Hidayətov 2 il sürücülük hüququndan məhrum edilib və 20 gün müddətində inzibati həbs olunub.
BDYPİ-nin məlumatına əsasən son bir ay ərzində narkotik vasitələrin təsiri altında avtomobil idarə edən 150-ə yaxın sürücü aşkarlanıb.
[caption id="attachment_20629" align="alignnone" width="800"] Foto Baş Dövlət Yol Polisi İdarəsinin İnstagram səhifəsi[/caption]
