Sabirabad rayonunda Bakı sakini narkokuryerliyə görə saxlanılıb. Bu haqda bu gün, 20 fevral tarixində APA məlumat verib.
Sabirabad Rayon Polis Şöbəsinin əməkdaşları tərəfindən keçirilən əməliyyat tədbirləri zamanı Fərid Əhmədov saxlanılıb. Baxış zamanı ona məxsus çantadan 14 kiloqram 340 qram marixuana, 510 qram heroin və 50 qramdan artıq metamfetamin aşkar edilərək götürülüb.
Dindirilmə zamanı o, əcnəbi narkotacirə pul müqabilində kuryerlik etdiyini etiraf edib. Faktla bağlı araşdırma aparılır.
