Bakının Sabunçu rayonunda yerləşən bir-birinə bitişik obyektlərdə yanğın hadisəsi baş verib. Bu haqda bu gün, 22 noyabr tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma ümumi sahəsi 100 kv.m olan və bir dam altında tikilən, birmərtəbəli müxtəlif təyinatlı obyektlərdə qeydə alınıb. Nəticədə sahəsi 65 kv.m olan mağaza, bitişik 10 kv.m olan ofis otağı və 25 kv.m olan köməkçi tikilinin tavanı və dam örtüyünün yanar konstruksiyaları yanıb.
Hadisə yerinə FHN-in əməkdaşları cəlb olunublar. Yaxınlıqdakı tikililər və ev yanğından mühafizə olunub. Yanğın söndürülüb. Xəsarət alan olmayıb.
