Bakı sakininə qarşı quldurluq edən 2 nəfərə hökm oxunub. Bu haqda bu gün, 14 aprel tarixində Qafqazinfo məlumat verib.
Bakı Ağır Cinayətlər Məhkəməsi 20 yaşlı Kamil Əliyev (şərti) və 31 yaşlı Murad Əkbərova (şərti) 8 il 6 ay müddətinə həbs cəzası verib.
Təqsirli bilinən şəxslər apellyasiya şikayəti verərək maddənin yüngülləşdirilməsini istəyiblər. Məhkəmə apellyasiya şikayətlərini əsassız hesab edib. Hər iki şəxsin cəza müddəti dəyişdirilmədən saxlanılıb.
Hadisə ötən il yanvarın 9-da baş verib. Paytaxt sakini Sədi Məmmədov Ramana qəsəbəsində əvvəlcədən sosial şəbəkədən Kənan Əliyev kimi tanıdığı şəxslə ondan "Scottish" cinsli pişiyi götürərək cütləşdirmək məqsədilə görüşüb. Lakin Əliyev tək gəlməyib, özü ilə tanımadığı insanı gətirib. Onlar yol gedən zaman tanımadığı şəxs Sədi Məmmədovun üz nahiyəsinə başla zərbə vurub və zor tətbiq edərək onun müqavimətini qırmaqla 40 manat dəyərində gödəkçəsini, 5 manat nağd pulunu, balansında pul olmayan 2 manat dəyərində “Bakıkart”ını, içində pul olmayan bank kartını və 80 manat dəyərində mobil telefonunu götürüb. Məmmədova ümumilikdə 137 manat ziyan vurublar.
