Bakının Sabunçu rayonunda 2 nəfərdə qanunsuz saxlanılan silah-sursat aşkarlanıb. Bu haqda bu gün, 22 yanvar tarixində Bakuplus.az Daxili İşlər Nazirliyinə (DİN) istinadən xəbər verir.
14-cü Polis Şöbəsinin əməkdaşları tərəfindən keçirilən növbəti tədbir nəticəsində Maştağa qəsəbə sakini, 61 yaşlı İbrahim Rzayev saxlanılıb. Baxış zamanı ondan şəxsi istifadəsi üçün əldə etdiyi heroin, yaşadığı evdən isə “Kalaşnikov” avtomatı, patron darağı və 11 ədəd patron aşkarlanaraq götürülüb.
Sabunçu RPİ-nin əməkdaşları tərəfindən keçirilən növbəti əməliyyat zamanı Ramana qəsəbəsi ərazisində 53 yaşlı Vasif Qəmbərov saxlanılıb. Ondan “Makarov” markalı tapança, sandıqça və 4 ədəd patron aşkar olunub.
İ.Rzayev və V.Qəmbərov silahları bir müddət əvvəl əldə etdiklərini və satmaq niyyəti ilə özlərində saxladıqlarını bildiriblər.
Hazırda hər iki faktla bağlı araşdırmalar aparılır.
[caption id="attachment_127163" align="alignnone" width="640"]
Foto DİN[/caption]
