Bakının Sabunçu rayonu, Ramana qəsəbəsində avtomobil yandırmaqda şübhəli bilinən şəxs saxlanılıb. Bu haqda bu gün, 18 avqust tarixində Bakuplus.az Daxili İşlər Nazirliyinin mətbuat xidmətinə istinadən xəbər verir.
Adıçəkilən ərazidə yerləşən evlərdən birinin həyətində “Changan” markalı avtomobilin yandırılması barədə polisə məlumat daxil olub.
Sabunçu RPİ 12-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində əmlakı qəsdən məhv etməkdə şübhəli bilinən Ağdam rayon sakini, əvvəllər məhkum olunmuş Peyman Davudov saxlanılıb.
Faktla bağlı araşdırma aparılır.
