Paytaxtın Yasamal rayonunda küçə ticarəti ilə məşğul olan şəxs məhsullarını dağıdıb, sonra bunu polisin etdiyini deyib. Bu haqda bu gün, 5 may tarixində Bakuplus.az Daxili İşlər Nazirliyinə istinadən xəbər verir.
Belə ki, Vüqar Əzizov qanunsuz yerdə küçə ticarəti ilə məşğul olurdu. Polis əməkdaşları ona iradını bildirən zaman o, öz məhsullarını dağıdıb, daha sonra internet TV kanallarının birində bu hərəkəti polisin etdiyini iddia edib.
Daxili İşlər Nazirliyi öz növbəsində videogörüntülər təqdim edib və vətəndaşın iddiasının yanlış olduğunu bildirib.
“Onunla dəfələrlə profilaktik iş aparılmasına və müvafiq icra hakimiyyəti əməkdaşları tərəfindən qanunla müəyyən olunan yerlərdə ticarət aparmasına təklif olunmasına baxmayaraq, imtina edib”, - deyə qurumdan əlavə ediblər.
[video width="848" height="480" mp4="https://bakuplus.az/storage/photos/2023/05/344771883_561537212756818_1909919452091098199_n.mp4"][/video]
