Muğanlı-İsmayıllı yolunun İsmayıllı rayonunun Tircan kəndi ərazisindən keçən hissəsində xəsarətlərlə nəticilənən yol qəzası baş verib. Bu haqda bu gün, 11 fevral tarixində Unikal.az məlumat verib.
39 yaşlı Nadir Qəribov 90-DL-050 dövlət nömrə nişanlı "Kia" markalı minik avtomobili ilə hərəkətdə olarkən yolun buz bağlaması səbəbindən idarəetməni itirib, maşın sürüşərək çökək əraziyə aşıb.
Hadisə nəticəsində sürücü, onun anası, 64 yaşlı Rayə Qəribova, atası, 69 yaşlı Ədalət Qəribov müxtəlif dərəcəli xəsarətlər alıblar. Hər 3 şəxs İsmayıllı rayon Mərkəzi Xəstəxanasına çatdırılıb.
Faktla bağlı Baş Dövlət Yol Polisi İdarəsi tərəfindən araşdırma aparılır.
