Bakının Suraxanı rayonunda yol-nəqliyyat hadisəsi nəticəsində azyaşlı uşaq ağır xəsarət alıb. Bu haqda Report bu gün, 4 mart tarixində məlumat verib.
12 yaşlı Xəyal Quliyev yolu keçərkən onu avtomobil vurub. Yaralı təcili tibbi yardımın köməkliyi ilə xəstəxanaya yerləşdirilib. Ona qapalı kəllə-beyin travması, sağ baldır sümüklərinin açıq yerdəyişən sınıqları və qarının küt travması diaqnozları qoyulub.
Uşağın vəziyyəti ağır olduğuna görə, o reanimasiya şöbəsinə yerləşdirilib. Faktla bağlı araşdırma aparılır.
