Bakıda şirkət rəhbərinə cinayət işi açılıb. Bu haqda 4 mart tarixində Realtv məlumat verib.
Suraxanı rayonunda "Sahil-S İnşaat” Mənzil Tikinti Kooperativinin sədri Taleh Allahverdiyev digər şəxslərlə əlbir olaraq MTK-nın Yeni Günəşli qəsəbəsi, “A-B” massivində inşa etdiyi yaşayış binasında eyni mənzili bir neçə şəxsə satıb.
Şikayətçilərdən biri olan Zəhra Əliyeva bildirib ki, 165 mənzilin hər birinin 5 nəfərə, hətta deyilənə görə 8 nəfərə satıldığı aşkara çıxmışdır.
Faktla bağlı Cinayət Məcəlləsinin “Külli miqdarda ziyan vurmaqla dələduzluq”, “Vəzifə səlahiyyətlərindən sui-istifadə etmə” və “Vəzifə saxtakarlığı” maddələri ilə cinayət işi başlanılıb.
Bundan əlavə, “Sahil-S İnşaat” MTK-nın vəzifəli şəxslərinin qanunsuz əməlləri nəticəsində zərər çəkmiş şəxslərin Baş Prokurorluq ilə 961 nömrəli Çağrı Mərkəzi, və ya 161 nömrəli “Qaynar xətt” ilə əlaqə saxlamaqları xahiş olunur.
