Suraxanı rayonunda məktəb direktoru dələduzluğa görə axtarışa verilib. Bu haqda 13 yanvar tarixində Baku.ws xəbər verib.
Hövsan qəsəbəsi 196 saylı tam orta məktəbin sabiq direktoru, 37 yaşlı Sevinc Mehdiyeva vətəndaşlardan 200.000 manatdan çox pul alaraq mənimsəyib. Axtarışa verilən sabiq direktor ölkədən qaçıb. Güman edilir ki, o, Rusiyada gizlənir.
Həmçinin məlum olub ki, o, işlədiyi dövrdə məktəbin kollektivinə qarşı dəfələrlə haqsızlıqlar edib. Səbəbsiz yerə müəllimləri işdən qovub. Məktəbə işə düzətmək üçün vətəndaşlardan pul alıb. Bundan əlavə S. Mehdiyeva, dərs yükü çox olan müəllimlərdən 200 manat götürüb və hər il oktyabrın 5-də müəllimlərdən 50 manat tələb edib.
