Suraxanı rayonunda 3 oğru saxlanılıb. Bu haqda 24 noyabr tarixində Daxili İşlər Nazirliyi məlumat verib.
Hövsan qəsəbəsində yerləşən qəbiristanlıqdan 400 manat dəyərində qəbir daşı oğurlanıb. Polisin apardığı axtarış-əməliyyat tədbirləri nəticəsində Bakı şəhər sakini Şirməmməd Məmmədov tutulub.
Suraxanı Rayon Polis İdarəsinin əməkdaşları tərəfindən keçirilən növbəti əməliyyat zamanı Hövsan qəsəbəsində oğurluq edən Ağsu rayon sakini Rahim Məmmədov saxlanılıb. Məmmədov evlərin birindən dəyəri 400 manat olan dəmir darvaza və qəsəbə ərazisində yerləşən piyada keçidinin avadanlıqlarını oğurlayıb.
Digər əməliyyat nəticəsində Hövsan qəsəbəsində iki mənzildən pul və qızıl-zinət əşyaları oğurlamaqda şübhəli bilinən qəsəbə sakini Azər Əliyev saxlanılıb.
Hər 3 faktla əlaqədar araşdırmalar davam edir.
