Suraxanı rayonunda yol qəzası zamanı sürücü ölüb. Bu haqda 1 mart tarixində Report məlumat verib.
Hövsan qəsəbəsi, Məktəbli küçəsində fevralın 28-də 31 yaşlı Kənan Babayevin idarə etdiyi “KiA” markalı avtomobil hərəkətdə olan zaman qarşıdan gələn 25 yaşlı Eldar Məmmədovun idarə etdiyi motosikletlə toqquşub. Qəzada E.Məmmədov aldığı bədən xəsarətlərindən dünyasını dəyişib.
Faktla bağlı Cinayət Məclləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi açılıb.
