Bakıda yol-nəqliyyat hadisələri zamanı bir nəfər xəsarət alıb, bir nəfər isə ölüb. Bu haqda 10 yanvar tarixində APA məlumat verib.
Suraxanı rayonu, Nazim İsmayılov küçəsində 28 yaşlı Kamran Şərifov idarə etdiyi velosipedlə hərəkətdə olan zaman onu avtomobil vurub. Ağır vəziyyətdə olan yaralı xəstəxanaya yerləşdirilib.
Yasamal rayonu, Mətbuat prospektində “Opel” markalı avtomobil gənc qızı vurub. Məlum olub ki, sürücü yüksək sürətlə hərəkətdə olarkən, qız qəfil onun qarşısına çıxıb. Zərbə nəticəsində piyada ölüb və tanınmaz hala düşüb. Meyit aidiyyəti üzrə orqana verilib. Hazırda ölən şəxsin kimliyi araşdırılır.
Hər iki faktla bağlı araşdırma davam edir.
Bundan əlavə, ötən gün Bakıda 7 piyadanı avtomobil vurub.
