Vətən müharibəsi iştirakçılarına qarşı dələduzluq edən şəxs barəsində araşdırmalar yekunlaşıb. Bu haqda bu gün, 29 dekabr tarixində Bakuplus.az APA-ya istinadən xəbər verir.
Şübhəli bilinən 34 yaşlı Elvin Əliyev barəsində toplanan materiallar Bakı Ağır Cinayətlər Məhkəməsinə göndərilib.
O, Vətən müharibəsində iştirak etmiş şəxslər barədə məlumatlar toplayaraq onların yaşadıqları ərazilər üzrə icra nümayəndələrinə zəng edib və özünü Prezidentinin Administrasiyasında şöbə müdiri olduğunu bildirib.
Dələduz Vətən müharibəsi iştirakçılarına birdəfəlik maddi yardım ediləcəyini bildirərək icra nümayəndələri vasitəsilə 6-dan çox veteran ilə əlaqəyə keçib və onlardan bank hesablarının açılması və digər xərclər üçün pul lazım olduğunu vurğulayıb.
Nəticədə müxətlif məbləğlərdə pul alaraq Elvin Əliyev verdiyi vədi yerinə yetirməyib.
