Xətai rayonunun Məhəmməd Hadi küçəsindəki “Yellow Mart”la üzbəüz yaşıllıq ərazi hasara alınıb. Bu haqda bu gün, 28 mart tarixində Bizim.media məlumat verib.
Ağaclar bayram günlərində hasarlanıb. Sakinlərin iddialarına görə, bu ərazidə qısa müddətdə tikinti işlərinə başlanılacaq.
Xətai rayon İcra Hakimiyyətindən bildirilib ki, məsələdən xəbərdardırlar: “Ərazi özəlləşdirilib. Dövlət Reyestrindən çıxarışları var. Hələlik tikinti işlərinə başlanılmayıb. Amma nə tikiləcəyini biz də bilmirik. Lakin bütün hallarda ərazidəki ağacların qorunması üçün bizdən asılı olan hər şey ediləcək. Yəqin ki, Ekologiya və Təbii Sərvətlər Nazirliyi (ETSN) əməkdaşlarının da məsələdən xəbərləri var. Adətən belə hallarda nazirliyin göstərişi ilə ərazidəki ağaclar digər sahələrə köçürülür və yaxud da ağacların toxunulmazlığı təmin edilir”.
ETSN-dən bildirildi ki, məsələ araşdırılacaq və daha ətraflı məlumat veriləcək.
[URIS id=95285]
