Bakının Xətai rayonu, Babək prospektində hərbi sursat aşkar olunaraq zərərsizləşdirilib. Bu haqda bu gün, 7 iyul tarixində Fövqəladə Hallar Nazirliyinin (FHN) mətbuat xidməti məlumat verib.
Hərbi sursatın aşkar edilməsi barədə məlumat daxil olduqdan sonra hadisə yerinə FHN-in Xüsusi Riskli Xilasetmə Xidmətinin minalardan təmizləmə üzrə çevik qrupu cəlb olunub.
Əraziyə giriş-çıxış məhdudlaşdırılıb. Cəlb olunan FHN-in əməkdaşları tərəfindən bir F-1 əl qumbarası və üç UZRQM partladıcısı aşkar olunaraq zərərsizləşdirilib.
Daha sonra sahəyə baxış keçirilib və hər hansı digər şübhəli əşya aşkar edilməyib.
