Paytaxtın Xətai rayonu, Babək prospekti, 90 ünvanında 2 psixi xəstə olan qardaş qonşulara ziyan vurur. Bu haqda bu gün, 22 noyabr tarixində Bakuplus.az ATV-yə istinadən xəbər verir.
Adıçəkilən ünvanda 10-cu mənzildə qalan 2 qardaş tüfeyli həyat tərzi sürür. Sakinlərin sözlərinə görə, qardaşlardan birində psixi problemlər olub, digəri isə spirtli içkilərdən bu hala düşüb, ailələri isə onlardan imtina edib.
Mənzil baxımsız və acınacaqlı vəziyyətdədir, giriş qapıları açıqdır. Bu yaxınlarda istilik borusu partlayıb və aşağıdakı qonşunun evini su basıb.
“Evdə ocaq qaladıqları da olub. Gecə gəlib qapımızı döyürlər, səs-küydən yatmaq olmur”, - deyə sakinlər bildirirlər.
Qardaşlardan birinin yoldaşı vurğulayıb ki, yaşamaq mümkün olmadığından 3 aydır evi tərk edib. O, evin satılmasının və qardaşların oradan çıxarılmasının yeganə yol olduğunu qeyd edib.
Daxili İşlər Naziriliyindən məsələ ilə bağlı araşdırma aparıldığını və toplanmış materialların məhkəməyə göndərildiyini bildiriblər.
[caption id="attachment_80101" align="alignnone" width="640"]
Foto ATV-nin rəsmi Youtube kanalı[/caption]
