Bakının Xətai rayonu, Gəncə prospektində yerləşən çoxmərtəbəli yaşayış binasında yanğın baş verib. Bir nəfər xəsarət alıb. Bu haqda bu gün, 30 mart tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə martın 29-u, saat 22:00 radələrində baş verib. Binanın 9-cu mərtəbəsində yerləşən 3 otaqlı mənzilinin mətbəxində alışma qeydə alınıb. Nəticədə mətbəx mebeli, aspirator, paltaryuyan maşın və qabyuyan maşın yanıb. Yanğın zamanı mənzildə olan bir nəfər tüstüdən zəhərlənib.
Əraziyə cəlb olunan FHN əməkdaşları yanğını söndürüblər.
